Plantun de Prouvènço

Pèr coumpara dos planto d'encò nostre

Potamogeton perfoliatus & Lathyrus sphaericus

Espigo-d'aigo(-perfouliado)

Potamogeton perfoliatus

Potamogetonaceae

Autre noum : Poutamot.

Noms en français : Potamot à feuilles perfoliées, Potamot perfolié.

Descripcioun :
Espigo-d'aigo pulèu raro que trachis dins lis aigo prefoundo (> 1m), bèn luminouso e permanènto. Es uno planto forto d'un bèu vert, gaire o pas ramificado. Li fueio soun fragilo, alterno (aleva souto l'espigo), sènso pecou ("perfouliado"), en cor à la baso, un pau oundado emé de costo que se vèson bèn. Flouris de mai à juliet.

Usanço :
Es uno planto recercado en aquariofilìo.

Port : Grando erbo
Taio : 0,5 à 3 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Potamogeton
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Aigo - Ribiero
Estànci : Mesoumediterran à Coulinen
Couroulougi : Subrecousmoupoulito
Ref. sc. : Potamogeton perfoliatus L., 1753

Jaisso(-di-grano-redouno)

Lathyrus sphaericus

Fabaceae Leguminosae

Noms en français : Gesse à graines sphériques, Gesse à graines rondes.

Descripcioun :
Aquelo jaisso di flour roujo trachis dins li ermas e li relarg à jóuinis aubret. Se recounèis à la pouncho que i'a darrié la flour. Autambèn, si dóusso (3 à 7 cm) soun veinado e caupon de 6 à 15 grano.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Roujo
Petalo : irreguliero
Ø (o loungour) flour : 0,6 à 1,3 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Mai à jun

Liò : Roucaio - Tepiero seco - Ermas - Relarg à jóuinis aubret
Estànci : Termoumediterran à Subremediterran
Couroulougi : Eurimediterrano
Ref. sc. : Lathyrus sphaericus Retz., 1783

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potamogeton perfoliatus & Lathyrus sphaericus

ges

Coumpara Espigo-d'aigo(-perfouliado) emé uno autro planto

Coumpara Jaisso(-di-grano-redouno) emé uno autro planto